Du kapiers es nit
Schon als du noch jung un schön woors
Ding Hoor noch nit nohjetönt
Heelts du dich für'n Offenbarung
Joot, mer hatt sich draan jewönnt
Wo'd och enleefs, du hatts immer
Ir'ndne schlaue Spruch parat
Wemmer Pesch hatt, Theorie
Wemmer Glöck hatt, bloß e Zitat
Un jetz kapierste't nit, wie du dich och affmöhß
Du kapiers et nit, wie dat wohl kumme kann
Du kapiers et nit, du, dä Fähler nie bei sich söök
Du kapiers et nit, wo litt et draan
Wat ess, Mister Überfliejer
Kann't sinn, dat du sproochlos bess
Du, tatsächlich zweiter Siejer
Kann et sinn, dat du en Kurv nit kriss
Schläächste jetz bei Bloch un Hejel
Noh, bei Nietzsche oder Kant
Wie wöhr't met nem simple Speejel
Spieglein, Spieglein ahn der Wand
Nä, du kapiers et nit, wie du dich och affmöhß
Du kapiers et nit, wie dat wohl kumme kann
Du kapiers et nit, du, dä Fähler nie bei sich söök
Du kapiers et nit, wo litt et draan
Du un keine Plan,
Dat mer dat erlevve darf
Du, dä immer alles weiß un kann
Kaum zo gläuve, Mann
Du weiß nimieh, wo et langjeht
Tatsächlich me'm Rögge ahn der Wand
Wenn't nit jraad öm dich jing
Künnts du einem wirklich leid dunn
Nä, du kapiers et nit, wie du dich och affmöhß
Du kapiers et nit, wie dat wohl kumme kann
Du kapiers et nit, du, dä Fähler nie bei sich söök
Du kapiers et nit, wo litt et draan