S. Antoninu calati calati
[Testo di "S. Antoninu calati calati"]
E Sant'Antuninu calati calati
Ca jù l'annacu e vui l'addummisciti… vo…
E si nun dormi beddu lu capizzu
Ti pigghiu pi li pedi e t'arrimazzu… vo…
E quannu veni la festa di lu munti
T'haj'a 'ccattari tanti cosi, tanti… vo…
O si po' o nun si po'
Lu vistiteddu pi San Calò
E a lu parrinu cci l'ham'a diri
Chi l'avia a purtari ni lu varveri
Moru ch'è beddu
Moru ch'è granni
Quannu crisci va' a 'ccatta la carni
Masculu e beddu
Cci l'ham'a a diri
A la raggia di li vicini
O si po' o nun si po'
Lu vistiteddu pi San Calò