A Racalmuto
[Testo di "A Racalmuto"]
Sintiti chi successi a Racalmutu
Truvarunu 'u tabbutu scupirchiatu
E dintra cc'era 'nu sbirru curnutu
Ca purtava lu diavulu attaccatu
Lu diavulu gridava: "Aiutu, aiutu"
'Stu sbirru a mia mi porta carzaratu
Sintiti chi successi a Racalmutu
Truvarunu 'u tabbutu scupirchiatu
Zum zum
Aiutu, aiutu lu munnu è pirdutu
Li monachi si vonnu maritari
E la badissa sona lu liutu
Li munacheddi scinnunu a ballari
Lu cappillanu cu lu parautu
A li novizi ci lu fa sunari
E quannu po è scoppiu lu palluni
Li picciliddi porta a suttirrari
Zum zum
Sintiti chi successi a la Licata
'Ntra lu cunventu di li cappuccini
Cc'era 'na donna mala maritata
Ca avia la casa china di parrini
Quattru davanu focu alla pignata
E quattru ca spinnavanu jaddini
E lu priuri sutta la frazzata
Facia la cuva di li puddicini
Zum zum