La sacra santa notti di Natali
[Testo di "La sacra santa notti di Natali"]
La sacra santa notti di natali
Accumparìu 'na stidda all'Orienti
Nisciru li Re Magi orientali
È natu lu Missia, semu contenti
Nisciru li Re Magi orientali
È natu lu Missia, semu contenti
Tridici jorna caminaru a pedi
Parteru cu la stidda di l'Orienti
Arrivati a la grutta e a la campia
Truvaru a Gesù 'nvrazza di Maria
Arrivati a la grutta e a la campia
Truvaru a Gesù 'nvrazza di Maria
Prima trasiu Gaspari e cci dicia
O veru figliu di l'Eternu Patri
Comu t'arridducisti a la campia
Tu ca guverni l'Angili biati
Comu t'arridducisti a la campia
Tu ca guverni l'Angili biati
Sugnu vinutu di luntana via
Sugnu arrivatu cu 'sta cumpagnia
Pirdunami purtai 'na massa d'oru
Pi sarvarmi l’arma quannu moru
Pirdunami purtai 'na massa d'oru
Pi sarvarmi l’arma quannu moru