اسكندرية
طب والمرسي أبو العباس إنت حبيبة كل الناس
بحرك لولي ورملك ماس عمار يا اسكندرية
لو هتكلم في التفاصيل للصبحية هقول مواويل
بحري وقبلي وصبح وليل بموت في اسكندرية
نسمة هواء ساعة عصرية وكوزين الدرة والتمشية
من المعمورة للمنشية يا مساء الجمال
من الكورنيش ولحد القلعة نتعشا ونتمشى و والعة
من سحرها بنحس بمتعة ولا خطرت في بال
طول الليل صاحية ما بتنامشي باجي مببقاش عايز أمشي
وسنين تيجي وسنين تمشي وهي لسه شباب
طب والمرسي أبو العباس وشوارع بتحب الناس
سايبة علامة في قلوب ياما ده مين جاء لها ونساها
صوتها في مزيكة درويش وأغاني الناس والحرافيش
وسط اللمة وأيوه لما تسيب روحك معاها
المندرة ولوران و ستانلي والمود المظبوط بالملّي
مع صوت الموج اللي يخلي تملّي البال يروق
حتى الشتاء عندها حدوتة والمطرة بتنزل مبسوطة
مع كوباية شاي مظبوطة وسهرة للشروق
سيب لها نفسك مش هتسيبك وإن جيت تبعد هي تجيبك
عارفاك ومصحباك على عيبك كمان سرك في بير
ومعاك ياما ولا شوية كله على الكورنيش سواسية
نفس الرملة ونفس الماية ولا بتفرق كثير