شيكايّو
حاسب يا سطى
هدّي يا سطى
هنموت يا سطى
بالصلاة ع النبي أنا هحكي لكم حكايتنا الأزلية
يا دي الوكسة دي نفس الحادثة بتتعاد كل شوية
بالصلاة ع النبي أنا هحكي لكم حكايتنا الأزلية
يا دي الوكسة دي نفس الحادثة بتتعاد كل شوية
أنا راكب أتوبيس مع ناس
مجانين وأنا بينهم محتاس
ونازلين كوبري بآخر سرعة
والسواق داخل على ترعة
شيكايّو، يا شيكايّو
سوّاقنا ده ما فيش زيّه
شيكايّو، يا شيكايّو
سوّاقنا ده ما فيش زيّه
حاسب
والنبي
والسواق مبسوط وبيضحك وما فيش حتى فرامل
كل ما أقول له هنغرق يا سطى ولا سامع ولا سائل
والسواق مبسوط وبيضحك وما فيش حتى فرامل
كل ما أقول له هنغرق يا سطى ولا سامع ولا سائل
والركاب مقسومة نصين
واحنا في وسطيهم مساكين
في ناس تطبّل له وبتشجّع
وناس بتدعي الأتوبيس يولع
شيكايّو، يا شيكايّو
سوّاقنا ده ما فيش زيّه
شيكايّو، يا شيكايّو
سوّاقنا ده ما فيش زيّه
يا باشا معاك بني أدمين
شيل رجلك من ع البنزين
يا سطى معاك بني أدمين
شيل رجلك من ع البنزين
يا باشا ما تخش شمال
هو إنت ما عندكش عيال
يا باشا ما تخش شمال
إنت ما عندكش عيال
يا سطى وحياة أبوك
أنزل هنا أرجوك
يا سطى وحياة أبوك
أنزل هنا أرجوك
وفي تلك اللحظة التاريخية
واحنا بنبقلل في الميّة
الحدوتة خلصت يا عينيّ
ونتقابل في الحادثة الجاية
شيكايّو، يا شيكايّو
سوّاقنا ده ما فيش زيّه
شيكايّو، يا شيكايّو
سوّاقنا ده ما فيش زيّه
شيكايّو، يا شيكايّو
يا شيكايّو
شيكايّو، يا شيكايّو
يا شيكايّو
ويا اللي ع الترعة حوّد ع المالح مالح
إحنا في الميّة من ليلة امبارح
قوي، قوي، قوي
سيّد يا سيّد في الخيبة نصبح ونبيّت
سيّد يا سيّد في الخيبة نصبح ونبيّت
ما تزغرطي يا أمّ فاروق
سواقنا ده ما فيش زيّه
إبنك في الميّة مزنوق
سواقنا ده ما فيش زيّه