Jede Well

Ich setz am Strand un lur su vor mich hin
Lur wie durch Milchjlas op dat Wellespill
Denk an doheim, an Jott un alle Welt
Un an die Elendsbilder die ich hück jesin
Doch ich ben he un lur d'r Brandung zo
Un weiß, dat jetz och anderswo

Jede Well molt ihr Bild en d'r Sand
Jetz um Moment an jedem Strand

Zick Johrmillione jeit dat secher su
Ejal, wat hück all op d'r Welt passeet
Wat interessiert en Well en Hungersnut
Un wie d'r Dollar en Frankfurt steit
Ich fing dat alles nur janz einfach schlimm
Dat ich su klein un hilflos ben

Jede Well molt ihr Bild en d'r Sand
Jetz um Moment an jedem Strand

Je mih ich nohdenk, mät et keine Sinn
Belur dä Stein, dä jetz he vür mer litt
Dä künnt jo jetz och janz woanders sin
Jenau wie ich, doch ich setze he vür im
Et es verröck, woröm han ich dat Jlöck
Su lang schon op d'r Äd ze sin?

Jede Well molt ihr Bild en d'r Sand
Jetz um Moment an jedem Strand
Jede Well molt ihr Bild en d'r Sand
Janz ejal in welchem Land