Ich jon bade

Wenn de mem linke Fooß des morjens ad opsteis
Mem kleine Zih am Bettkaste anschleis
Un fesstelle muß, et es kei Klopapier do
Du weiß och nit mih, wat jestern wor

Dä Abschiedsbreef vun dir klääv am Spejel
Du schrievs, du kanns mich nit mih verston
Dat es esu ne Dach, wie ich en jän mach
Do künnt ich en et Wasser jon

Ich jon bade - Loss et Wasser en
Ich jon bade - Spring en de Bütt eren
Ich jon bade, ich jon bade
Lijje ich dann em wärme Wasser
Föhl ich mich erheblich besser

Wenn jeder, dä dich süht, vür dir wegrennt
Selvs d'r Hungk singe Schwanz
Vür dir enklemmp
Dinge Jeldautomat friss ding Kundekaat
Dat es d'r Einzije dä dich noch kennt

D'r Schlössel stich wie immer vun enne
Dinge Name steit nit mih an d'r Dür
Dat sin esu'n Sache, do kannste nix mache
Do kannste och nix dofür

Ich jon bade - Loss et Wasser en
Ich jon bade - Spring en de Bütt eren
Ich jon bade, ich jon bade
Wellste mich beim Bade wecke
Musste an mingem Stoppe trecke

Rosmarin, Wacholder eukalyptus un Kamille
Jitt et als Tablette
En d'r Fläsch un och als Pille
Föhl ich mich dann wunderbar
Entspannt un och belääv
All dä Stress met mingem Knies
Am wieße Wannerand klääv

Ich jon bade

Ich jon bade - Loss et Wasser en
Ich jon bade - Spring en de Bütt eren
Ich jon bade, ich jon bade
Un süht ming Huck wie Ledder us
Kritt he noch lang mich keiner 'rus bade