Familijedach

Hans R. Knipp, Bläck Fööss

Hück sin se widder ens all beienein
Tant Änni met Anhang, d'r Jupp kütt allein
Tant Rosa met Enkel
D'r Schäng kütt met Frau
Un et Cilly mem Matthes
Jo, dä es mihtstens blau
Alles en allem jot fuffzich Mann
Un die fangen jetz all an ze singen an

Wenn sich de Familich triff
Kütt nor vun allem et Beß op d'r Desch
Dann weed jesunge, jeschwat un jelaach
Dat jitt en herrlich, herrlich, herrlich
Dat jitt en herrlich lange Naach
Dat jitt en herrlich, herrlich, herrlich
Dat jitt en herrlich lange Naach la la la

Et Rosa käut Printe, d'r Hein köpp en Ei
Tant Traut hat wie immer jet Natron dobei
Et vörnehme Nies un d'r
Schäng schlürfen Sekt
Die vierhundert Häppcher
Jo, die sin längs schon weg
D'r Paul hat noch jrad en Mettwoosch erwisch
Die loch ungerm Desch
Zweschen Erdnöss un Chips

Wenn sich de Familich triff
Kütt nor vun allem et Beß op d'r Desch
Dann weed jesunge, jeschwat un jelaach
Dat jitt en herrlich, herrlich, herrlich
Dat jitt en herrlich lange Naach
Dat jitt en herrlich, herrlich, herrlich
Dat jitt en herrlich lange Naach la la la

D'r Klöß sät: Dat Kölsch
Dat schmeck ävver jot
Dobei hä us jlasije Äujelcher lot
Ich künnt se bütze, die Bierbrauerei
Sät drop et Änn un zapp sich noch ei
Et Kätt zeich Brilljante, an jeder Hand zwei
Ich han'er noch mih, sät et janz nevvenbei

De Pänz sin am knaatsche un wollen noh Hus
Do klopp et vun unge: Nu maat endlich Schluß
Mensch, wo die Zick blit, schon veedel op ein
Dröm sprich jetz zom Schluß noch
Ens d'r Onkel Hein:
"Freut euch des Lebens
Nur so hat es Sinn!"
Do fällt im et Jebess en et Wingjlas eren

Wenn sich de Familich triff
Kütt nor vun allem et Beß op d'r Desch
Dann weed jesunge, jeschwat un jelaach
Dat jitt en herrlich, herrlich, herrlich
Dat jitt en herrlich lange Naach
Dat jitt en herrlich, herrlich, herrlich
Dat jitt en herrlich lange Naach
Un och de Nohberschaff bliev dobei wach

Un dä Ühm, da hück Jebotsdach hät
Jo, da litt schon zick veedel op aach em Bett

La la la

Curiosidades sobre la música Familijedach del Bläck Fööss

¿En qué álbumes fue lanzada la canción “Familijedach” por Bläck Fööss?
Bläck Fööss lanzó la canción en los álbumes “Uns Johreszigge” en 1979, “Et Es Zwanzig Johr Jenau Jetz Her” en 1990 y “Et es 20 Johr jenau jetz her” en 1990.
¿Quién compuso la canción “Familijedach” de Bläck Fööss?
La canción “Familijedach” de Bläck Fööss fue compuesta por Hans R. Knipp, Bläck Fööss.

Músicas más populares de Bläck Fööss

Otros artistas de Pop rock