Am Rhing ze wonne

Et fing janz unscheinbar an
Nur d'r Wind hatt jedrieht
Decke Wolke un Rän troken rüvver vun Süd
Et ränten am Stöck
Un et hoot üvverhaup nit mieh op
Ne Meter pro Daach jing d'r
Pejel am Rhing erop

Hä steech an jeden Dach
Maat kein Paus en d'r Naach
Keller leeven voll met dä Bröh
Alles wood verstaut ungerm Daach
Doch die Flut maat nit halt
Kein Stund klort d'r Himmel op
Ne Meter pro Daach jing d'r
Pejel en Kölle erop

Am Rhing ze wonne, am Rhing ze wonne
Wor all die Johre su schön
Denn he, do sin m'r doheim
Am Rhing ze wonne, am Rhing ze wonne
Heiß, dat m'r ziddere muß
Will m'r he lääve am Fluß

Die Häre mem Schlips komen an
Alles schön anjelurt
Flöck Hilfe versproche un all
Dat Elend bedurt
Un se saaten all, dat bahl jet jeändert wöd
Et wöd höchste Zick
Dat sujet nit noch ens passeet

Un dann woren se weg, leeten uns he em Dreck
Minsche, die enttäusch, hoffnungslos
Stunden do, verloße vum Jlöck
Un die Flut maat eesch Halt
Als keine Sandsack mih üvvrich wor
Wenn mer bahl nit jet dun
Han mer dat wohl jetz jedes Johr

Am Rhing ze wonne, am Rhing ze wonne
Wor all die Johre su schön
Denn he, do sin m'r doheim
Am Rhing ze wonne, am Rhing ze wonne
Heiß, dat m'r ziddere muß
Su es et Lääve am Fluß

Am Rhing ze wonne, am Rhing ze wonne
Wor all die Johre su schön
Denn he, do sin m'r doheim
Am Rhing ze wonne, am Rhing ze wonne
Heiß, dat m'r ziddere muß
Su es et Lääve am Fluß
Heiß, dat m'r ziddere muß
Su es et Lääve am Fluß