Alfons Dä Ampmann
Pünklich morjens öm sibbe sitz hä schon em Büro
Su wie domols als hä Anwärter wor
Dann kummen de Brütche drei Stöck en enem Tütche
Un hä drink zwei Tasse Kaffee wat bes aach Uhr dot
Öm aach kütt de Zeidung die weed jründlich studeet
Hä well wesse wat drusse all passeet
Hä los noch et Rätsel hiv dann singen Brezel
Koot de Häng jewäsche un de Arbeit verdeilt
Alfons dä Ampmann
Jo dä jilt als Fachmann
"Für Jrundsatzfragen
D'r Verwaltungsstruktur"!
Hä lot die andere höppe
Trick Schnittlauch em Döppe
Un sing Blömcher em Büro
Zweschen zehn un ein lurte dann op de Stroß
Ävver drusse do es och nit vill loß
Vürrijes Johr fuhr ne Schutzmann ens mem Fahrrad en Frau an
Ävver söns passet kaum jet bei ihm em Büro
Alfons dä Ampmann...
Nommedags bei ner Fier bei nem Schnäpsje un Bier
Jeit d'r Alfons ehts ens richtich us sich erus
Un hä fängk an ze schwade es dat he ne mise Lade
Un ovends jeit hä möd un afjekämpf noh Hus
Alfons dä Ampmann...
Un des Sonndags hät si Büro zo!