نصيبي وقسمتك
يمكن في دنيا ما شفنهاش أيامها حلوة ما عشنهاش
يمكن نصيبي وقسمتك لسه في علم الغيب ما جاش
يمكن في دنيا ما شفنهاش أيامها حلوة ما عشنهاش
يمكن نصيبي وقسمتك لسه في علم الغيب ما جاش
الدنيا نصها هي على كيفك تشكلها
وحضنها كله حنية بتترمي فيه وتشكي لها
تعيش بسلامة النية لا ناس لا مودة ولا رحمة
مشاعر تايهة في الزحمة طيبيتها سر مشاكلها
تعدي عليها ليلة العمر لحظة في وقتها حلوة
وتسرق فرحة بيها تمر وتسرح مرة مع غنوة
بتفضل بس شاربة المر وتدعي يا رب يصبرها
وكثر الهم كبرها وهي لا حول ولا قوة
الوحدة زي طلوع الروح وبتهيئ لينا أصعب
دي وحدة قلبها مجروح ودي من غلبها بتتعب
وناس تيجي وناس بتروح ودي لسه على حالها
لا حد سألها يوم مالها ولا على قلبها طبطب
حياتها الحب لو حاسة بكلمة شكر تتأثر
وعشقها مستحيل تنسى تهون عشرتها تتحسر
تعيش بعد الفراق مأساة تشوف كل البشر غامضة
وتعمل نفسها جامدة وجوه قلبها مكسر