Ya Dalaao
(( يادلعوا ))
قلبى اختارك زين ماأختار
ياللى سمارك احلى سمار
وماليش غيرك ف الدنيا دى
يشغل بالى ليل ونهار
قبل ماأشوفك شوفت كتير
ولقيت حسنك ماله نظير
خدنى الشوق ومشيت مشاوير
نفسى ف فرحه تملى الدار
أيه اللى جرالى أنا مش عارف
حبك ف قلبى تيار جارف
وأنا من سحر عيونك خايف
أصل الحسن دا ليه أسرار
قلبى أختارك وأنتى نصيبه
قلبك يبقى لقلبى حبيبه
طيب ليه راضيه بتعذيبه
يمشى لوحده ف يوم يحتار