Sentimentu

Sa battorina de s'allegria
Fachet sas rimas brinchende
Totu sa die deo la cantarìa
Che a ticcu ticcu biende

Abbaticare su voette ‘e sa tristura
Addorojare pro custa gioja madùra

Sa ballarina de s'anima
Sas iscarpas si nd'est bochende
E pro arrodare sa zente in bia
Chin balentìa est ballende

Abbaticare su voette ‘e sa tristura
Addorojare pro custa gioja madùra

Ischintiddas in sos ocros tuos
Tue ses luchende s'iberru meu
Che una bidda in custu desertu
Sa cara durche de sa fiza mea

Su sentimentu fuidi dae coro che bentu
Su sentimentu iscoppiat in su sambene lentu

Si juches unu solu sentimentu
Che culilùche disperdia
In d'una notte de nibe e bentu
Lassa chi non istet muda

Abbaticare su voette ‘e sa tristura
Addorojare pro custa gioja madùra

Ischintiddas in sos ocros tuos
Tue ses luchende s'iberru meu
Che una bidda in custu desertu
Sa cara durche de sa fiza mea

Su sentimentu fuidi dae coro che bentu
Su sentimentu iscoppiat in su sambene lentu