Nu be na carta te bruciare
F.M.: La terra mia la bacia lu sule
Benedetta te l’acqua te mare
Brillante te luce e de amore
Te nvitu a provare st’emozione speciale
La terra mia ete spettacolare
A tutti benvenutu ni sape dare
Ntra li paisi o subbhra a mare
Per tie tene sempre qualche cosa te speciale
Rit. Nu be na carta ca pueti bruciare
Nu be na pezza ca pueti terare
Meju la tratti chiù pija valore
Basta la guardi e te ne inche lu core
F.V.: A quai se tecia ca nu c’è nienti te buenu
E ca se ulimme fatia tocca puru ne scimme
Amu cresciuti sutta nu cielu serenu
Cu tutta la ricchezza te sta terra ca già tenimme
Qualche tunu nu sapia c’è tenia a manu
E ha pensatu sulamente cu binne
Ma pe fortuna c’ete ancora ci capisce
E quiddrhu ca tene cerca cu se difende
Comu n’alberu allu ientu
Taccatu a quiddhre ca suntu le radici soi
Ca se lu cotuli nu ne lu scotuli
Nu ne lu tiri nu ne lu squeddrhi nu ne lu schianti te ddrhai
Rit. Nu be na carta ca pueti bruciare
Nu be na pezza ca pueti terare
Meju la tratti chiù pija valore
Basta la guardi e te ne inche lu core
F.B.: Sta terra è nu piccinnu, ca osserva stu munnu
E giurnu dopu giurnu, nu se sciacca mai
De ste meraviglie, tanta gente accoglie
Intornu tante gioie, ca nu lassu chiui
Sta terra è na carusa, beddhra e coraggiosa
E’ frisca comu rosa, e ti innamorerai
Dei suoi bei sorrisi, l’ecchi soi gioiosi
De dhri beddhri musi, sempre chiui ne vuei
Pe quistu nui la sta difendimu, ci ole la sfrutta ne lu cacciamu
Decidenu li figghi nesci ce sa fare de sta terra e così sarà, si così sarà!
Rit. Nu be na carta ca pueti bruciare
Nu be na pezza ca pueti terare
Meju la tratti chiù pija valore
Basta la guardi e te ne inche lu core