Buechdruck

I bi nid hei cho hüt ir nacht
I heig mi uufgfüehrt bi der budefiir
I bi dert glandet
Wo d buebe bös si und d meitschi tüür
I bi nid go schaffe hüt am morge
I bi eifach bliibe liege
Am zwöufi steit der ruchti i der türe
U seyt i müessi nümme cho

I wott hüt nid scho wieder
Todesazeige drucke
Mit all dene näme vo dene arme gschtorbne lüüt
I wott hüt nid scho wieder
Lieber büglen i vergäbe
I wott hüt nid scho wieder mit em ruchti rede

I bi nöd ufgwacht hüt am morge
Es isch my gottseel scho mittag gy
U icha mir selber nid erkläre
Warum dass i so truurig bi
Sys di böse buebe, di tüüre meitschi
Oder die arme gschtorbne lüüt
Es isch dr bleisatz wo mi abeschriisst
I wott nume furt vo hie u süsch nüt

De ruchti seyt
I sig e fuuli sou
U s glyche seit o syni frou
Wo o nüm da isch
Blöd schnurre cha jede
Aber i weiss genau
I wott nie meh mit em ruchti rede