Hans, was duast denn Du do? (Bayerisches Volkslied für Kinder mit neuen Strophen)

Hans, was duast denn Du do?
Nimm Dei Pfeiferl, blas a Stückerl
Steh net oiwei so do
Wia da Hans von Stroh

Boarisch Musi macha
Lustig singa, uma springa
Es waar ja doch zum Lacha
Brachtn mir nix zam

Max, was duast denn Du do?
Mit Deim Mords-Trumm-Bombardon
Mir hörn Dir gern zua do
Lass Di net lang frogn

Kathi, was duast Du do?
Nimm Dei Geign und spui a weng
Rumsteh damma gnua do
Tanzn daat ma meng

No, was dats denn Ihr do?
Hebts de Stimm und singts uns was
Mir kennan so vui Liada
Singa, des macht Spaß

Des macht Spaß
Des macht Spaß
Ja, ja, des macht Spaß

Mei, was dean denn de do?
Da Toni und die Monika
Habn gar koane Schuah dro
S‘Tanzn geht so aa – Und ob

Hörts Ihr denn scho auf do?
Spuits a weng a Musi no
Hauts no oamoi drauf do
Oana geht scho no