Es wird schon glei' dumper (Altes bayerisches Weihnachtslied)

Es wird schon glei’ dumper, es wird schon glei’ Nacht
Drum kimm i zu dir her, mein Heiland, auf d’Wacht
Will singen a Liadl dem Liabling, dem kloan
Du magst ja net schlafn, i hör’ di nur woan
Hei, hei! Hei, hei! Schlaf süß, herzliabs Kind!

Vergiss jetzt, oh Kinderl, dein Kummer, dei Load
Dass du da muasst leidn im Stall auf da Woad
Es ziern ja die Engerl dei Liegerstatt aus
’S könnt schöner net sein drin im König sein Haus
Hei, hei! Hei, hei! Schlaf süß, herzliabs Kind!

Mach zua deine Äugerl in Ruah und in Fried
Und gib mir zum Abschied dein Segen no mit!
Dann werd ja mei Schlafn ganz sorgenlos sein
Dann konn i mi ruhig aufs Niederlegn frein
Hei, hei! Hei, hei! Schlaf süß, herzliabs Kind!