Holunder
[Intro]
Süesse, i ha di, i bringe di hei
Baby you got me, du chasch di la gheie
La dini Sorge itz los
U leg di Chopf uf mi Schoss
[Verse]
Hüt isch e schöne Tag
D Sunne lacht wine Löwezahn
Outoschtop mitem grüene Duume
I hou di ab mit dr Chürbiskutsche
Usfahrt i mi Luschtgarte
Nektar i mim Sektglas
Kaktusfige, Kokoswasser
Venusmuschle, Meereschruusche
Peter Pan i mim Paradies
Avatar i mim Panama
Hand in Hand, Arm in Arm
E Namittag i mim Shangrila
[Chorus]
U we de dr Holunder blüeht
I warte im Garte
Wo d Sunne schiint
Und aues wird warm
We de dr Holunder blüeht
I warte im Garte
I dr Hängematte bi dr Pergola
Zwüsche Liecht u Schatte
Zwüsche wiiss u schwarz
I dr guudige Mitti
I dr guudige Mitti
I dr guudige Mitti
Und aues wird ändlech wahr
[Verse]
Hüt isch e schöne Tag
Mir rede nur no i Körperschprach
Pscht! Du muesch gar nüt säge
Cha dir dini Wünsch vo de Ouge abläse
I dim Blick glitzre Galaxie
Labyrinth vouer Schtalagmite
Schtärnschnuppe im Wäutau
Glüehwürmli am Wägrand
Nymphe, Zwärge, Riiseponys
Zuckerschläcke, Miuch u Honig
Jasmintee, Vanillschnee
Caramel, Pralinée
[Chorus]
U we de dr Holunder blüeht
I warte im Garte
Wo d Sunne schiint
Und aues wird warm
We de dr Holunder blüeht
I warte im Garte
I dr Hängematte bi dr Pergola
Zwüsche Liecht u Schatte
Zwüsche wiiss u schwarz
I dr guudige Mitti
I dr guudige Mitti
I dr guudige Mitti
[Verse]
La dini Sorge itz los
U leg di Chopf uf mi Schoss
Ballascht über Board
Mir schtarte vo vor
Mir si müed u erschöpft
Mir hei aus scho mau gseit
Mir hei aues probiert
Irgendwenn gömer hei
[Bridge]
Jensiits vo guet u schlächt
Jensiits vo Schuud u Rächt
Gits en Ort, wo mir üs chöi träffe
S git en Ort
S git en Ort
[Chorus]
I dr guudige Mitti
S git en Ort
I dr guudige Mitti
S git en Ort
I dr guudige Mitti
Zwüsche Liecht u Schatte
Zwüsche wiiss u schwarz
(3x)
Und aues wird ändlech wahr