دنيا وزمان

درت روحك ماعرفتنيش، غير شفتني عوجت راسك
شحال هذه ما تشاوفناش، غير الجبال اللي ما يتلاقاوش
احشمت بيّ قدام صحابك، قاعد تشوف غير في الساعة
خلاص زعمة هداك وقتك، لو كان لقيت تبلعك القاعة
وروح يا زمان، وآجي يا زمان، نتلاقا بيك قلبي خايف
وروح يا زمان وآجي يا زمان، ما حشمت وقلت لي الدنيا مع الواقف

أنا اللي كنت نشهد بيك، نخسر الدنيا وما نخسرك
وإنت الريح الي يجي يديك، واليوم كرهتك وكرهت إسمك
درت لك الشان وقلت تستاهل، وقسمت معاك الحلوة والمرة
ماشي اللي يجي يقول أنا راجل، ماشي اللي تجي تقول أنا مرا
وروح يا زمان وآجي يا زمان، نتلاقا بيك قلبي خايف
وروح يا زمان وآجي يا زمان، ما حشمت وقلت لي الدنيا مع الواقف