Zouber

S'schiint aus steit d'Zyit stiu
Di Blick mit kiiut - spiiu kei Spiiu
Ds Blitze i de Ouge - Di Schlitzohr-Zouber
So Jitze starte Gschichte - womer säuber nid gloube
Es si Wäute wo verloufe - we Lächle verbinge
Nur Wärte, kei Norme - aues ligt drinne
I due mi schwär mit däm "für immer" - lieber jede Tag ufs Nöiie
I wett Di ou nid "gwinne" - Spiu mit Härz wirsch ging beröiie
I gloube a Momänt - dases mängisch eifach passt
S'riist eim z'Rueder us de Häng - und im Härz es Bitzi Platz
E Funke, mängisch längts - und es Füürli wird entfacht
Es Wunder ohni Ängscht - und em Gfüeu dasme aues schafft
Vrbunge uf ne Wäg - wo nid is Navi passt
Mir hei üs gfunge - ungerwägs - isch üse Lieblings-Platz
Chly Pouse vom Autag - chly Schnouse vom Haut-haa
Vrfouge die Flouse - der Augeblick haut-aah
Zäme simer meh - aus d'Summe vo Zwöii
Ob das längt oder ni - Wunder wachse us Tröiim
S'schiint aus steit d'Zyit stiu
Di Blick mit kiiut - spiiu kei Spiiu
S'schiint aus steit d'Zyit stiu
Di Blick mit kiiut - spiiu kei Spiiu
We Du lachisch lachet d'Wäut - ämu mini
Es schiint aues wo süsch fäut - nid so wichtig
Umgäh vom Momänt - ghört dä Ougeblick nur üüs
Färn und so äng und so vouer guete Gfüeu
Vo Kaländer vouer Plän - zu Doppu-Abendtüür
Wi Schwärm vo schwarze Schwän - wüu wär wott dä fingt ou Zyit
Wie d'Motte mitem Liecht - nöch zum Mond chunnt si nie
Schiint der Umwäg wie nes Ziu - wüu mer frage wär mer sii
Nid wär mer gärn wäre - bruucht d'Warheit kei Schiin
Suecht niemer nach Sinn - schlöh Härze is Lääre
Chum mir drücke Pouse - bis dr Mänti wider chunnt
Ufem Bett ligge und rouche - tuusche d'Märli zu de Songs
D'Sunne küsst Di Rügge - und Du wehrsch Di gäg z'Erwache
Wunder starte glücklech - us der Wermi ungerem Dachbett
Du stecksch no haub im Troum - lächlisch, dräiihsch Di um
Näme z'Gester mit is Morn - z'Gester is Morn
S'schiint aus steit d'Zyit stiu
Di Blick mit kiiut - spiiu kei Spiiu
S'schiint aus steit d'Zyit stiu
Di Blick mit kiiut - spiiu kei Spiiu