Entfrömdig
Verse 1:
[KAES]
Mit 25i di ganzi Wäut gsee, mitm Flugi überd Wäutmeer
Predige Liebi wei ke Gäut me, sägmer gloubsch du das würklech säuber?
I la dr Koffer i mim Chäuer, stige ufs Velo fahre dür d'Stadt
Ghöre e Hund wo bäuet, jede Tag e nöii Strasse
Jedi Strass het ihri Boute, di meiste Hüser si bewohnt
Jede Bürger sini Gschicht und i kenne keni drvo
Glich füehli mi gad verbunde, weu z'Liecht brönnt i dire Stube
Dräie witer mini Runde, di Wäut isch mer entwschunde
Hook:
[KAES]
D’Wäut isch so chli, schickmer di Standort
I chönnt morn scho bi dir sii
Sägmer wär isch di Nachber?
Fründe uf aunä Kontinänte
Verse 2:
[CRISP]
2x
Es isch primetime im Club ä bitteri Note i dr Luft
Nightlife so druff, betäubig Konsum
Vereint uf Substanze, befreit vo Gedanke
Es Zwinkere und es Lache, frömdi wärde zu Bekannte
Im einte Momänt no glückläch, im nächste isch aues Glück wäg
Verdammt wie isch das müglech? i füehl mi betroge!
Entfrömdig vo dr säuber , Entfrömdig vo dä nächste
Paar Föteli wo häufe mi dür di nächsti Wuche ds kämpfe
Mini Fründe si zwar ume aber kene seit nüt
U i mir inn es mega scheiss Gfüu
Hook:
[KAES]
D’Wäut isch so chli, schickmer di Standort
I chönnt morn scho bi dir sii
Sägmer wär isch di Nachber?
Fründe uf aunä Kontinänte
Verse 3:
[KAES]
Stägehuusbegägnig, gsänkti Blicke unes Murmle
Hie u da vilech es Nicke, mir si aui am verstumme
Verwaute Whatsappgruppe – 40 Mitglider
Usträte nach 2 Jahr, i ha nie gschribe
Doch das si aus mini Kollege, z’mingscht seit mer das e Stimm
I bi markiert uf ihrem Foto u itz weisi dases stimmt
Ungerdrann ä Kommentar: real recognise real
U i mir inn es mega scheiss Gfüu
Bridge:
[KAES]
I bi so fuul o wenis gärn wett beände
I kuschlet zwüsche Wärbesequänzä
Wines Tatto, geits mer unger d'Hut
Doch ab morn geit d'Sunne uf
Hook:
[KAES]
D’Wäut isch so chli, schickmer di Standort
I chönnt morn scho bi dir sii
Sägmer wär isch di Nachber?
Fründe uf aunä Kontinänte
Outro:
[CRISP]
Aues schiint erreichbar abr gliichzitig wiit wäg
Wiit wäg, wiit wäg
Ha das aues scho mau gse, bini dert gsii?
Fahre Trittbrätt, Trittbrät, Trittbrät