لا تغيب [Original]
Sabit
لاتغيب
لاتغيب ويكفي اني لافقدتك
بسمتي ترحل عن شفاتي تغيب
انت لحن الحب وبقلبي عزفتك
لا تغيب ... وخلك لعيني قريب
............
اعترفلي بوح ... قلي ما وحشتك؟
لا تكابر في عنادك .. يالحبيب
تفضحك نظرات عينك .. كم لمحتك ؟
تسرق النظره .. وبالنظره صويب
..................
انت كل الحب... لو حظة فقدتك
تظلم الدنيا ..واحزاني تصيب
للألم والآه و أوجاعي وصفتك
لليال السود .. ولقلبي طبيب
..........................
داخل عيوني من أشواقي أسرتك
ساكن بعيني ومن شوفي قريب
أنت فوق أغصان لأيامي نقشتك
والحياة بدون وصلك ما تطيب
...............................
كيف لو قررت ترحل أو خسرتك
كيف لو أصبحت في عيني غريب
لا تغيب الروح .. واحساسي وهبتك
لا تعذبني وعن عيني تغيب