Bir Addımlıq Yol

[Giriş]
Hələ çox atacaqlar səni
Uçurumdan, hamı qaçır onda geri
Hələ çox qoyub gedən olacaq itirəndə
Səni bitirənlər bilir

Hələ nə qədər hekayələrin sonu
Sən istəməsən də, verəcək ağrı
Hələ nə qədər dost azacaq yolu
Yaşa dolanda itirəcək ağlı

[Bənd 1]
Sən indi haradasan, hansı “этап’’ında həyatın
Ağır dərslər, imtahanlar, yoxsa ki ofis?
Bəlkə bir yasəməntək solur gülqabında həyatın
Hər şeyi al vaxtında əlinə, yoxsa olacaq çox pis

Bəlkə də, ayrılırsan indi sevgilindən
Ətrafında hamı uğur qazanıb
Gör səndən başqa
Bilirəm, razı deyilsən, yəqin, hər günündən
Amma ki bütün sevgilər
Birinci səndən başlar

[Nəqərat]
Həyatlar, ölümlər
Dayazlar, dərinlər
Aralarında bir addımlıq yol

Həyatlar, ölümlər
Dayazlar, dərinlər
Aralarında bir addımlıq yol

[Keçid]
Çox heyif ki, vaxtımız azdır
Gözəlliyi, möcüzəni
Zülmü yaşamaq üçün
Vaxtımız azdır...

[Bənd 2]
Mənim öz hekayəm var
Səninki qədər dərdli olmasa da
Mən də böyüməmişəm
Bərəkətlə bol masada
İnan ki, çıxıb getmək
Yoxa çıxmaq arzularım az olmayıb
Soyuq divarlar idi
Evimizdə yaz olmayıb
Amma ki kimdir günahkar?
90-lar, çətin həyat
Ürəyimin içindəki yağışlı havada çətirdə yat
Kəsilmək imtahandan, qovulmaq iş yerindən
Borc, xərc, pulsuzluq
Arzunla aranda çəpər qoyar
Səni itələyir pəncərədən sanki bir əl
Düşünürsən, hamı xoşbəxtdir, bil, səndən başqa
Dostlarını axtarmasan, hamı səni öldü bilər
Tək dostun özünsən və bu yol səninlə başlar

[Nəqərat]
Həyatlar, ölümlər
Dayazlar, dərinlər
Aralarında bir addımlıq yol

Həyatlar, ölümlər
Dayazlar, dərinlər
Aralarında bir addımlıq yol