Risten
Georg Neumark, Mari Boine, Risten Sokki
Lean riegádan 1954
Čálán Macintoshain
Násttit
čájehit geainnu
Máttaráhkkut
loktejit spáidáriid
go dárbbašuvvo
Suotna lea nanus
Ákšu vel nannoseabbu
Mattarádjá oaivi
Golggotmánu
galbma eatnamis 1854
De botkejedje suonaid
mat čatne du skirriide
Du varrasuonaid čuhppe
du jurdagiid
Du oaivvi sáddejedje Kristianiai
Go riegádin
lei eana
čiehkan du hávddi
Muhto násttit gal báitet
ja máttaráhkut
loktejit spáidáriid
go dárbbašuvvo