الحب غيمه [Original]
Razan Al Otaibi
تبرق على نجدٍ من الحب غيمة :
ميعادها ليلة بها العارض صفوف !
سال الهوى واحيا القلوب الرميمة
في فرحة محمد على بسمته نوف !
نجمٍ تعلّى وهيبته مستديمة :
فخر الرجال وصاحب الطيب معروف !
يا كاتب التاريخ امسح قديمة :
هذا محمد بن سعد ماله وصوف !
يا محمد احلامك تبدد عتيمه :
من حطّت بقلبك غدا غيرها ضيوف !
اللي لها بالصدر قدر وحشيمه :
في قربها يزهى بك العمر ويروف !
بنت البدر غير وسماها عظيمة :
تلغي بنات ادم اذا مرّت طيوف !
ولين اقبلت تعطي لهاالليل قيمة
غنّى اللقى فيها ووقف لها سيوف !
هي نوف هي درب الغرام ونسيمة :
طلّت مثل شمسٍ لها الكل ملهوف !
يالله عسى هالفرح ربي يديمه