ما بكرهوش

ما بكرهوش، ومهما تكرهوني فيه
هحبه وأحن دايما ليه
ده لو كان سابني يوم بإيديه
كثير أيام وقف جانبي
ما بكرهوش، وهفضل فاكرة ليه الخير
وهنسى الجرح والتقصير
ده لسه في عيني هو كبير
ولسه بحبه من قلبي

ولو قولتوا إنه مش ليّ وروحي في حاجة مش جاية
ولو قولتوا إني منسية ومش في دماغه ولا شغلاه
ولو قولتوا إنه شاف واحدة ومش بيحس بالوحدة
ولو قولتوا لي إيه حتى لا هكره قلبه ولا هنساه

ما بظلمهوش، ومهما تحكوا ياما عليه
كلامكم أنا مش هفكر فيه
ومن حساباتي أنا هلغيه
ومش هسمحلوا يشغلني
ما بظلمهوش، ولو مظلوم أنا مسمحاه
ولو ناسي اللي عشته معاه
أنا يصعب عليّ أنساه
ولسه الشوق بيقتلني

ولو قولتوا إنه مش ليّ وروحي في حاجة مش جاية
ولو قولتوا إني منسية ومش في دماغه ولا شغلاه
ولو قولتوا إنه شاف واحدة (آه) ومش بيحس بالوحدة
ولو قولتوا لي إيه حتى لا هكره قلبه ولا هنساه