Jy Sal Dit Vind

Klou vas my kind, klou vas my kind
Iewers sal ons slaap
Iewers sal ons weg kan kruip
Iewers nog vanaand

Klou vas my kind, klou vas my kind
Ons sal dit maak
Vir jou dra ek oor helse hoogte
Veg ek elke draak

Die maan lag soos ‘n mal mens
Vir die wêreld op sy rug
My kind selfs vir ‘n vegter
Is die wêreld maar ‘n klug

Klou vas my kind ons sal dit vind
Die plek waar ons moet gaan
Dis iewers waar die wind nie woon nie
Ek weet dat dit bestaan

Ons sal dit vind, ons sal dit vind
Ons lag saam met die maan
Die pad is lank en swaar my kind
Eendag sal jy verstaan

Die maan lag soos ‘n mal mens
Vir die wêreld op sy rug
My kind selfs vir ‘n vegter
Is die wêreld maar ‘n klug

Ek stuur vir jou ‘n boodskap op die vleuels van ‘n kitaar
Ek het twee sterk arms waarmee ek jou wel kan dra
En eendag as ek weg is is my boodskap nog steeds daar
As die maan lag soos ‘n mal mens baby lag my kind lag saam

Jy sal dit vind, jy sal dit vind
Die plek wat jy moet gaan
Dis iewers waar die wind nie woon
Jy weet dat dit bestaan

Jy sal dit vind, jy sal dit vind
Jy lag saam met die maan
Die pad is lank en swaar my kind
Jy weet dat ek verstaan