Hum Hain Jahaan (We Are The World)

Bargad baba ki daadi latak gayi
Peepal papa ki poonchh atak gayi
Amroodo se aam ki kamar judd gayi
Neem nana ki kohni mud gayi
Bade ped ne hatheli badhake
Kaha chote paudhe se muskurake
Chhui mui se yun na dekh sharmake
Mai to khush hun apni khokhar me ugake
Chhoti chhoti tehniyan
Nannhi nannhi Pattiyan
Khilne khilane lagi
Konple Lehlahane lagi
Khili adhkhili kaliyan
Hariyal hariyal danthaliyan
Khushboo mehkane lagi
Konple chamchamane lagi
Hum hain jahaan, Jahaan hain hum
Hum hain jahaan, Jahaan hain hum
Zindagi vahaan, Jahaan hain hum x2
Kaha parvat ne vanaspati ugake
Bade kaarano se duniya me aake
Ang or ango se aushadhi banake
Hum to khush hain kitni zindagi bachake
Bhanti bhanti ki vanaspatiyan
Kan kan me hain aushadhiyan
Jeevan bachane lagi
Jhoomne jhumane lagi
Rang birangi titliyan
Ras bhari madhumakhiyan
Bhi gun-gunane lagi
Gane muskurane lagi
Hum hain jahaan, Jahaan hain hum
Hum hain jahaan, Jahaan hain hum
Zindagi vahaan, Jahaan hain hum