Appell an Verstand
S'wird Ziit zum in Diskurs gah Schwiz mer müend jetzt rede
Aber viel z'viel Lüt wennds ned begriife ums verrecke
Wo bi LGBTQ+ a Technik-Chürzel denked und bi Klimawandel eifach nur a schöners Wetter
Mer horted Berge vo Geld i üsre Wohlfühloase schaffed bis 70gi dass' bliibt nimmsch halt e Nase!
Verstahs ned falsch find de Standard au ned schlächt aber lueg statt füre und abe doch au mal links und rechts
Eus gahts viel z'guet mer verweigered Diskurs
De Sozialstaat er hett Angst vorem Konkurs
Ich glaub merksch's selber das tönt alles chli konfus
Mach nur wiiter so s Paradies gaht glii kabutt
Sind kei Moralapostel nei mer reiched d'Hand
Moral chamer ned poschte Appell an Verstand
Bitte tue ned so als wär das z'viel verlangt will scho s'Grosi hett gseit sind lieb zunenand
Sind lieb zunenand
Viel z'wenig Reflexion z'viel Ablehnig weg Vorurteil
Bevor'd im Glashus Schuld sprichsch chehr doch dis Dihai
Ide Jugend protestiert mit Punkt Beatles Joints und Zigis und hüt verweigrisch Meinige weg Zahle uf de ID
Dini Bewegig okay üsi z'radikal d'Jugend isch verweichlecht ja säg das nonemal
Wo füehrt das hii Gsellschaftsspaltig Chrieg und chalti Duschi?
Wohl chum will'd en Stern und anderi Pronome nutzisch
Sind kei Moralapostel nei mer reiched d'Hand
Moral chamer ned poschte Appell an Verstand
Bitte tue ned so als wär das z'viel verlangt will scho s'Grosi hett gseit sind lieb zunenand
Sind lieb zunenand
Au die linke müend sich a de eigne Nase neh ich weiss s meist isch Schwachsinn vode SVP
Vergessed ned d'Akzeptanz isch üses Steckepferd will Meinigsfreiheit isch gar ned kontrovers
Aber säg wieso hesch gnue vom Rassismus ned vom Rassist?
Bisch stolz druf dass dis Wahlprogramm erloge isch?
Verzell was störts dich wer de anderi liebt?
Wählsch Kampjets über Friede und supportisch de Chrieg
Das isch ned neutral au ned patriotisch will Friede im Grundsatz parteielos isch
Was bringt eus eusi Welt wenn plötzlich jede tot isch?
Völkermord isch alles ussert ideologisch
Sind kei Moralapostel nei mer reiched d'Hand
Moral chamer ned poschte Appell an Verstand
Bitte tue ned so als wär das z'viel verlangt will scho s'Grosi hett gseit sind lieb zunenand
Sind kei Moralapostel nei mer reiched d'Hand
Moral chamer ned poschte Appell an Verstand
Bitte tue ned so als wär das z'viel verlangt will scho s'Grosi hett gseit sind lieb zunenand
Sind lieb zunenand