Codex Las Huelgas: X. O Maria Virgo Davitica O Maria maris stella (Motet XXI CLH 104)
Anonymous
Duplum
I O Maria, maris stella,
plena gracie,
mater simul et puella,
vas mundicie.
II Templum nostri Redemptoris,
sol iusticie,
porta celi, spes reorum,
tronus glorie.
III Sublevatrix miserorum,
vena venie,
audi servos te rogantes,
mater gracie.
IV Ut peccata
sint ablata
per te, hodie,
qui te puro laudat corde
in veritate.
Triplum
O Maria, Virgo Davitica,
virginum flos, vite, spes unica,
via venie,
lux gracie,
mater clemencie;
sola iubes in arce celica,
obediunt tibi milicie;
sola sedes in trono glorie;
gracia plena, fulgens, deica.
Stelle stupent de tua specie,
sol, luna de tua potencia
que luminaria
in meridie;
tua facie vincis omnia.
Prece pia mitiga filium,
miro modo cuius es filia,
ne iudicemur in contrarium
sed et eterna vite premia.
Tenor
[In veritate].
Amen.