Nos K Nos

Nos K Nos

10 Ilha maravilha,
Cabo seku,
verdi oh russu
nos povo ta brilha.
Melanina
ta ilumina
límia Lina ku Joaninha
na sukuru.
Juru,
trabadju duro,
mas txeu ka txiga
poku resta
E na nos festa,
e rapasinhu,
fixon ku tocinhu,
kumida avontadi
pa tudo mocinho.

Hey, nos nu ka ta fladu
nem nu ka ta dadu
nu ka mal konxedu,
nem nu ka rabés
Nu ta manti brandu,
sempri na nos kantu
Mas si nu mexedu
1 ta bira dez Vez dez yes!

Nu sabi entra sabi sai,
si bem dja nu pd bai
Nu ka fidju di 2 pai,
rosto altu undi nu bai
Toma bensu na nos mai,
nu ta guengui ka ta kai
Boka fedi, língua pretu, na nos ka sobresai.

E nos k nos (4X )
Ehhhhhhh
Ehhh

Koru:
E nos k ta manxi cedu na lugar
Ma nos k ta pila tornu na luar
Eh eh eh eh eh eh eh
E nos k ta fitxa inxada dentu mo
Ma e nos k ta pila badju kotxi pó
Eh eh eh eh eh eheh

Fladu fla ka ta skrebedu,
n skrebi kel k n fladu
N pinta N poi na quadru,
palavras di nha avó,
stórias di mi ku bo
nabegu antigu k hj n sa bem kontabu
Fomi 47
undi ka tinha nem ceti
k fari azeti
pa poi na katxupa,
txuba fadja, midju tora,
padja kaba , fidju txora,
bitxu mangra, mudjer ora,
implora
kumi pom k diabu massa,
carcasa fidju imbrasa,
speransa 2 bokadu dadu
di insistencia na Sistencia di mau gradu.

Nu rizisti, prevaleci
E hj dja na venci,
Bara di marmelu ka ta dobra
Kel k Deus da xuxu ka ta toma
Storia nu ta fazi undi nu soma
Santanton a brava tudo zona
Pretus finu dja nu podi goma