مــــذهـــل [Original]
Mana Saeed Alotaiba
مذهل ان قلت مذهل بين كل الانام ..
يتعب الحرف عندي ان بغيت اشرحه ..
ادخل القلب حبّه في فياض الغرام ..
وانتثر نبض قلبي مثل ما المسبحه ..
حب في وصفه الطاهر لقيت المرام ..
عاش في صدر لا هانه ولا يجرحه ..
شع نوره كأنه بدر ليل التمام ..
كل مخلوق في وجه الثرى يلمحه ..
يا سلامي عليه وهوه كلّه سلام ..
فاق مدحه محبي كيف انا بمدحه ..
بين قلبين قاد الحب والانسجام ..
بالوفا عاش في دنياه ما اوضحه ..
فاتحٍ له فوادي ما يبا له كلام ..
واقسم اني لغيره مستحيل افتحه ..
تستمر الحكايه عام من بعد عام ..
نجمع الحب فينا والزمن يطرحه ..
له بدايه جميله مالها من ختام ..
كنز عمري وانا اللي في الحياه اربحه ..
مرت أيامنا الحلوه مرور الكرام ..
مسرع الوقت يمضي غير لي نطمحه ..
بس فينا العزيمه وانتقدم امام ..
وان حصل ما يعكر صفونا نمسحه ..