هلال منور
Wiam Ahmad
هلال منور من بعيد
حواليه نجوم متزينة
معاه هدية فنوس جديد
أهلا رمضان وحشتنا
رمضان أهو جيه خلاص
والفرحة لكل الناس
رمضان أهو جيه خلاص
نور لينا الحياة
بيوت عليها خيوط النور
علم وزينة ملونة
ولمة حلوة وقت السحور
والبهجة مليا حينا
وبعد صيام طول النهار
سفرة تجمعنا كلنا
وفرحة لينا وقت الفطار
يا رب تقبل مننا
رمضان أهو جيه خلاص
والفرحة لكل الناس
رمضان أهو جيه خلاص
نور لينا الحياة
وقت التراويح وصلاة الفجر
والنية خالصة لربنا
دعاء وتوبة في ليلة القدر
يا ربي تقبل مننا
رمضان أهو جيه خلاص
رمضان أهو جيه خلاص
نور لينا الحياة