بلاد البخت
قليل البخت لو سافر بلاد البخت
حيرجع منها شايل نحس برضو في يخت
ده إيده على الذهب تتحط يبقى تراب
يخبّط ع الحظوظ تقفل في وشه الباب
في ناس حظوظ في السما وناس حظوظهم تحت
قليل البخت لو يطلع له مية مارد
فانوس الحظ من إيده يقوم مكسور
يقول الحظ بكرة وكل شئ وارد
يشوف أحلامه قطعت فجأة مية ونور
قليل البخت إمتى الدنيا تضحك ليه
فانوس الحظ من إيده يقوم مكسور
يقول الحظ بكرة وكل شئ وارد
يشوف أحلامه قطعت فجأة مية ونور
قليل البخت إمتى الدنيا تضحك ليه
بقا له سنين واقف على بابها دور في طابور
قليل البخت لو رايح بلاد الفرح
وقالوا هناك شجر فرح و بيطرح طرح
وقالوا هناك علاج كل اللي عاش محتار
وناس صبحت قلوبها رماد وطفّوا النار
حيرجع منها شايل ألف شجرة جرح
قليل البخت لو يطلع له مية مارد
فانوس الحظ من إيده يقوم مكسور
يقول الحظ بكرة وكل شئ وارد
يشوف أحلامه قطعت فجأة مية ونور
قليل البخت لو يطلع له مية مارد
فانوس الحظ من إيده يقوم مكسور
يقول الحظ بكرة وكل شئ وارد
يشوف أحلامه قطعت فجأة مية ونور
قليل البخت إمتى الدنيا تضحك ليه
ويرجع من بلاد البخت يوم مجبور