عم سلامة
يا عم سلامة، راحت فين السلامة والحب والحنان
وليه الغلابة آه وكلاها الذيابة، والقسوة في كل مكان
لا سكة عارفين نمشيها ولا دمعة قادرين نداريها
أيام غامقة وعايشين فيها والغلبان على طول متهان
حتى السلام بقى ع الواقف شمال يمين كله مخالف
ولا حد فاهم ولا عارف ولا حد لاقي لنفسه مكان
يا عم سلامة، ما تقول لي في إيه
هي القيامة هتقوم ولا إيه
يا عم سلامة، ما تقول لي في إيه
هي القيامة هتقوم ولا إيه
ناس بتجرح وناس بتخدع ناس بتذبح وناس بتوجع
ناس في سيرة الناس تقطع ناس من الظالمين
ناس بتشمت وناس في غل ناس كثير مع ناس تقل
ناس في رزق الناس بتطمع ناس كثير خاينين
يا عم سلامة، ما تقول لي في إيه
ما تكونش القيامة قامت ولا إيه
الأيام ياما شوفنا الويل والنهار بقى زي الليل
لما خلاص فاض بينا الكيل والقلب بالأحزان مليان
طعم اللقمة خلاص بقى مر والأيام مش راضية تمر
قل الخير وكثر الشر والبشر بقى كله حيتان
الأيام ياما شوفنا الويل والنهار بقى زي الليل
لما خلاص فاض بينا الكيل والقلب بالأحزان مليان
طعم اللقمة خلاص بقى مر والأيام مش راضية تمر
قل الخير وكثر الشر والبشر بقى كله حيتان
يا عم سلامة، ما تقول لي في إيه
هي القيامة قامت ولا إيه
يا عم سلامة، ما تقول لي في إيه
ما تكونش القيامة قامت ولا إيه
ناس بتجرح وناس بتخدع ناس بتذبح وناس بتوجع
ناس في سيرة الناس تقطع ناس من الظالمين
ناس بتشمت وناس بغل ناس كثير مع ناس تقل
ناس في رزق الناس بتطمع ناس كثير خاينين
يا عم سلامة، ما تقول لي في إيه
ما تكونش القيامة قامت ولا إيه