Tetâgua Sapukái

TETÂGUA SAPUKÁI
Pyjhare, ku ijapyra´ÿva
aretéma niko oiko
ñame retâmíme oñua
ha pytû guype oguereko.

Marôpa nipuku osêta
kuarahy amo ñu pahápe
ñande jopévo hatápe
ñane mombáymi haguâ.

Purahéi pyahu ndojejokovéi
yvyty jurúpe ipotypaite
opa rupi ñane mbohory
ñame mo´âguî
ja´évo ojupe peteî´ñe´ême
jaikopa haguá.

Tavy, tyre´ÿ, mboriahu,
ñembyahyi pepoguype
aretéme jaiko
ha akoi oñoirûndie
ñorairô reípe ñande ruguypa.

Ha´evémante jake
maymáva Paraguay
japaymi ha ñapu´â
ha upéi jasapukái
iñapysê ko´êti
pytâ, morotî, hovy
ñande poyvi joguaha
osêma la kuarahy
hesakâmba porâitéma
ñande rape pyahurâ.

Pehendúpe tatâgua:
ñapu´â jasapukái
opahápema pytû
!Viva el nuevo Paraguay!

Letra: Víctor Montórfano Música: Félix Pérez Cardozo