Hünd
[Verse 1: Juri]
Jajaja Hallo
Mir sy d'Zuekunft
Sowi dr Tod vo allne Lüt wo du liebsch
Si fragt:
"Um was geits i däm Lied?"
I cha grad ned reden i muess Zäienegu schnyde
U när gangi oh scho wyter, i ha einiges vor
I schryb es Buech
Über mi
Über d'Zyt woni truurig bi gsi und e Hund ha gchouft
U irgendwie ha ghofft daser de wäglouft
Räschtlos glücklech mit mim Läbe, aber
Chöi mer bitte nümme drüber rede, Babe
Möcht d'Wält ahluege wi si langsam kabutt geit
Ufem Balkon hocke mit de Zigis u Mugge
Nur ke Angscht, chume ine go schlafe
U rücke när de z'nach, weni de darf
I dere Stadt hani mit allne Lüt gredt
Was isch Cuba Bar am Morge gäg dr Duft vo dim Bett
[2x Hook: Juri & Migo]
Si säge "folg" u mir folge
Si säge "mach" u mir mache
Si säge "roll" u mir rolle
Si säge "Platz" u mir platze (u mir platze)
[Verse 2: Greis]
I renne mit dr Frou wo mi zieht
Si schiesse mir e Chnoche wo piipst
S'isch e Troum ane Boum ane bisle
I wott apportiere aber Gott seit mer "byss"
Dr Fido imne Outomobil
I bin e Dogge, i rotze u schnief
I folge nid, i motze u schryss
E Collie imne Trolley
E Mops imne Jeep
Ire Höiballe über d'Wise grollt
I bin e Wolf
Gfange imne wysse Golf
Mini Bsitzerin sött lang scho wider inecho
Wo isch si bloss blybe, het si mi verlah?
I gsehn e Maa im Rollstuel, was wott dä vo mir?
Näb ihm isch e Koloss mitem Chopf vomne Chind
Sägesser u Hansköbi wei mi useschrysse
U de chunnt dr Pedro u erschlaht se beidi mit'me Ziegel
[2x Hook: Juri & Migo]
Si säge "folg" u mir folge
Si säge "mach" u mir mache
Si säge "roll" u mir rolle
Si säge "Platz" u mir platze (u mir platze)
[Verse 3: Migo]
Du bisch nid wien ig we du im Raschter dänksch
We der zum chly fiire ine Club gah längt
Bi wytab vo däm
Verahstalte z'Bärn
I mim Chäller illegali Elefantekämpf
S'rägnet Bei und Ohre
Ihri Reihe vore
Mini Keiler tobe
Bi begeistret vo däm einte Grosse
Mit de geile rote
Laserouge und de gschwungne Widerhaggezähn
Chaostruppe, Migo
Halb politisch, halb chindisch
Hammer und Sichlor
I fahre mitem Nause a Blausee
Är darf i drü Täsche im Kofferruum mitcho
Stosschraft vorab
Gsaageti Shotgun
Drohahruef Vorwahl Bellinzona
Während wider sone Labelidiot
Uf mini Türe ihchlopft
Wiene dütsche Pilot
[2x Hook: Juri & Migo]
Si säge "folg" u mir folge
Si säge "mach" u mir mache
Si säge "roll" u mir rolle
Si säge "Platz" u mir platze (u mir platze)