娛樂圈殺人事件

即刻開始聽真啲　農夫兩個MC死咗嘅事
佢哋泉下有知　講幾只字　喺娛樂圈你死你事
以前邊有人識得農夫系乜　
但系有人識噏　農夫系得
今日我賣得　你又話我變質　
我唔講得太露骨　我怕從此絕筆
得得得　駛乜咁多原則　最緊要咪亂噏
叫我做乜就做乜　直到導演嗌cut
做小丑又得　唔怕一萬唔怕萬一
話我肉酸　又話我核突　
但系呢個系事實　我高過你　我人工高過你　
我去拍戲等十幾粒鐘等到懵　拍十幾分鐘
最後成條片都冇用　輕輕松松收工
你點會輕輕松松得過我　我寫過好多廣告歌
順順利利起貨　又話寫得唔錯
仲可以plug埋plug埋當一首新歌
你寫廣告歌你不如拍廣告　啲廣告商爽到冇乜嘢畀我做
冇排過舞　又話我跳到　只需要笑到好似燒壞腦
到你發現其實你慣曬　入娛樂界當你貨物賣
你積埋積埋覺得冇古怪　即時certify
即刻開始聽真啲　農夫兩個MC死咗嘅事
佢哋泉下有知　講幾只字　喺娛樂圈你死你事
即刻開始聽真啲　農夫兩個MC死咗嘅事
佢哋泉下有知　講幾只字　喺娛樂圈你死你事
繼續繼續　　最好做音樂節目
唱半首歌系直播　　唔駛再錄
冇錯　　唱錯歌詞都唔駛NG　走音又冇人知
點解呀　我啲歌都無key
做商場show咪仲好　嗰度鬼殺咁嘈
有時我一句都冇唱到　佢哋都完全聽唔到
做大學show咪仲過癮　一出場佢哋就興奮
有時我諗大學生可能從來無見過人
哇　咁你要返上去行嚇
嚇　我都唔識唱普通話
唔駛架　只要你郁一郁咋　
佢哋就「嘩」　直頭變咗劉華
系　如果要計出埠做嘢最盞鬼
出出入入都系頭等機位
咁又系　間酒店房裝得落我間屋咁滯
我諗過住足一世　以後都唔返嚟
到你發現其實你慣曬　入娛樂界當你貨物賣
你積埋積埋覺得冇古怪　即時certify
即刻開始聽真啲　農夫兩個MC死咗嘅事
佢哋泉下有知　講幾只字　喺娛樂圈你死你事
即刻開始聽真啲　農夫兩個MC死咗嘅事
佢哋泉下有知　講幾只字　喺娛樂圈你死你事
去咗陰間　我都可以翻生
帛金都慳返　咸魚都可以反彈
去咗陰間　我都可以翻生
帛金都慳返　咸魚都可以反彈
去咗陰間　我都可以翻生
帛金都慳返　咸魚都可以反彈
去咗陰間　我都可以翻生
帛金都慳返　咸魚都可以反彈