بكرا بيجي نيسان
Rahbani Brothers
بكرة بيجي نيسان يسألنا
وبيرش ورده ع منازلنا
منخبره شو صار منسمعه الأشعار
يا اللي كنت فيها تغازلنا
بكرة بيجي نيسان يغوينا
ويموج زهوره بروابينا
منحكي له ع اللي كان منسمعه الألحان
يا اللي كنت فيها تناجينا
ناطرين تلوح يا حلو وتبوح
وتسمع شكاويك للوردات
ناطرين نضيع ع الدرب وتشيع
عن هوانا بها الدنيّ حكايات
وبكرة بيجي نيسان يسعدنا
وع تلال أحلامه يبعدنا
منتيه شردانين ع دروب مخضرين
وأرض الهوى والحب موعدنا
بكرة بيجي نيسان يسعدنا
وع تلال أحلامه يبعدنا
منتيه شردانين ع دروب مخضرين
وأرض الهوى والحب موعدنا