بيتك يا ستي الختيارة
صوتك حلو يا بنتي شو إسمك
إسمي عليا
سمعتك أنا وجايّ من كرم العلالي
صوتك خفف عني تعب الطريق
الكرم بعيد وها السلة ثقيلة
أعطيني تا أحملها عنك
ما بدي أعذبك صار البيت قريب
خليني أساعدك
بيتك يا ستي الختيارة بيذكرني ببيت ستي
تبقى ترندح لي أشعارها والدنيّ عم بتشتي
يوقو وفرشات وديوان عتق الباب وها الحيطان
دارك مثل دارها يا ستي الختيارة
تبقى تقعدني وتحكي لي حكايات الجن الحلوة
وزبيب وجوز تخبي لي وأعملها ركوة قهوة
تبقى تقعدني وتحكي لي حكايات الجن الحلوة
وزبيب وجوز تخبي لي وأعملها ركوة قهوة
ستي اليوم بعيدة وبشوح لها بإيدي
مشتاقة لأخبارها يا ستي الختيارة
يمكن عم تسقي جنينتها ع تلال الشمس وتحكي
لصبية غيري حكايتها وعم تتذكرني وتبكي
يمكن عم تسقي جنينتها ع تلال الشمس وتحكي
لصبية غيري حكايتها وعم تتذكرني وتبكي
ولمن حاكيتيني بكيت وذكرتيني
بستي والدوارة يا ستي الختيارة
بيتك يا ستي الختيارة بيذكرني ببيت ستي
تبقى ترندح لي أشعارها والدنيّ عم بتشتي
يوقو وفرشات وديوان عتق الباب وها الحيطان
دارك مثل دارها يا ستي الختيارة
بيتك يا ستي الختيارة بيذكرني ببيت ستي
بيذكرني ببيت ستي
يا بنتي هذه إسوارة مخبيتها من إيام العزوبية
عتيق بس يمكن ذهب
كان عندي إسوارتين وحدة هديتها وبقيت وحدة
أقدم لك إياها هدية
لاء يا ستي
بترد لي هديتي خذ إلبسيها
وبكرة تعي إسهري عندي صوتك بيفرحني
ممنونة كثير