Guretzat
Iñigo Echezarreta
Bai, mila aldiz irudikatu zaitut
nire belarrira xuxurlatzen.
Bai, orduak agortu zure gorputzeko
azal guztia zeharkatzen.
Gerritik heldu nazazu, gaur bekaturik ez da,
gaur bihurtuko dugu dena egia.
Goxo-goxo hitz egidazu dantzatu bitartean,
hartu dezagun bizitza guretzat.
Guretzat gorde ditut muxu beroenak.
Guretzat, debekatutako jolasak.
Guretzat, amaiera gabeko bidean
gau bakoitzaren ostean dator egunsentirik ederrena!
Orain bizitza guretzat da.
Bai, zure begiradak kontatu dizkit
zure taupaden sekretuak.
Bai, gau honetan galdu nahi dut oreka
aurkitu arte zure eskuak.