Föemm e Pruföemm

[Ritornello]
Fôemm e prufôemm deent in de la stànza
Sôel bancòn la butèglia la danza
Cumè ràtt in de la nòcc ciàpum scià quel che avanza
Büceer cumè ôcc senza speranza

[Strofa 1]
Quèll là cul lecca lecca el fasèva el legiunàri
El parla de par lüü e cui Saant del calèndari
El füma Maziunaaj e diis che va' mai in lècc
Per pagüra di ricòrdi che ghe sòlten fôe del spècc

Fôemm e Prufôemm
Fôemm e Prufôemm

[Strofa 2]
Quai vôen prèma de beev el fà el segnu de la cruus
Quai vôen stravàcca tütt e bastèma a bassa vuus
I tètt de la barista hann scrivüü fin tropp'i'stòri
Caramèll e totocalcio e giugaduu cun scià 'el sètt d'ori

[Ritornello]
Fôemm e prufôemm deent in de la stànza
Sôel bancòn la butèglia la danza
Cumè ràtt in de la nòcc ciàpum scià quel che avanza
Büceer cumè ôcc senza speranza

[Strofa 3]
Giacumènn giachèta a quadri innanz e indree dal gabinett
Mariu Musca el paar che noda in di pàgin di Gazzètt
I henn giurnaad giammò sciüsciàa, fiaschi senza fuund
Radiulèna cul catàrr che carcàja e cerca i uund

Fôemm e Prufôemm
Fôemm e Prufôemm

[Strofa 4]
El Tugnèn l'ha faa la guèra scundüü in una cantèna
L'Orzowei l'è naa in Francia e l'ha spusaa'na marucchèna
Se vàrda un poo el suffitt, se vàrda un poo i piastrèll
Ma quaand passa la barìsta se varda sempru quèll...

Ué Gino, pagame un gir!