Suspiranno ’na canzone

[Testo di "Suspiranno ’na canzone"]

[Strofa]
Mo lùceno, pe' mme, stelle a migliara
'E stelle cchiù lucente 'e tutt' 'e ssere
I' porto 'nu mistero dint'ô core
'Mpastato 'e sciure, lacreme e suspire
Mo lùceno, pe' mme, stelle a migliara

[Ritornello]
Mme ne vogl'jì pe' viche e vecarielle
Suspiranno 'na canzone
Cu 'o mandulino
S'aràpeno feneste e fenestеlle
E s'affaccia chi durmeva
A suonno chino
Chi allucca, chi mme dicе: "'A vuó fernì?
Guaglió! Mannaggia... cca s'ha dda durmì"
Mme perdunate, amice
Ma v'aggi' 'a fà sapé
Ca i' songo assaje felice
E ca nisciuno è cchiù felice 'e me
Amice, chiaro e tunno
I' mo ve ll'aggi' 'a dì
'A femmena cchiù bella 'e tutt' 'o munno
Mm'ha ditto "sì"

[Ritornello]
Suspiranno 'na canzone
Cu 'o mandulino...
...E s'affaccia chi durmeva
A suonno chino
Chi allucca, chi mme dice: "'A vuó fernì?
Guaglió! Mannaggia... cca s'ha dda durmì"
Mme perdunate, amice
Ma v'aggi' 'a fà sapé
Ca i' songo assaje felice
E ca nisciuno è cchiù felice 'e me
Amice, chiaro e tunno
I' mo ve ll'aggi' 'a dì
'A femmena cchiù bella 'e tutt' 'o munno
Mm'ha ditto "sì"

[Outro]
Chi allucca, chi mme dice: "'A vuó fernì?
Guaglió! Mannaggia... cca s'ha dda durmì"