’O marenariello

[Testo di "'O marenariello"]

[Strofa 1]
Oie nè, fa prieste, viene!
Nun mme fa spantecà
Ca pure 'a rezza vène
Ch'a mmare sto a menà
Méh, stienne 'sti braccelle
Ajutame a tirà
Ca 'stu marenariello
Te vo semp'abbraccià

[Ritornello]
Vicin' 'o mare
Facimmo ammore
A core a core
Pe' nce spassà
So' marenare
E tiro 'a rezza
Ma p'allerezza
Stóng' a murì

[Strofa 2]
Vide ca sbatte ll'onna
Comm'a 'stu core cca
De lacreme te 'nfonne
Ca 'o faje annammurà
Viene, 'nterr'a 'sta rena
Nce avimm' 'a recrijà
Che scenne la serena
I' po stóngo a cantà

[Ritornello]
Vicin' 'o mare
Facimmo ammore
A core a core
Pe' nce spassà
So' marenare
E tiro 'a rezza
Ma p'allerezza
Stóng' a murì

[Strofa 3]
Oie nè, i' tir' 'a rezza
E tu statt' a guardà
Li pisce, p' 'a priezza
Cumme stann' a zumpà
E vide, pur'e stelle
Tu faie annammurà
Ca 'stu marenariello
Tu faie suspirà

[Ritornello]
Vicin' 'o mare
Facimmo ammore
A core a core
Pe' nce spassà
So' marenare
E tiro 'a rezza
Ma p'allerezza
Stóng' a murì