Munasterio ’e Santa Chiara

[Testo di "Munasterio ’e Santa Chiara"]

[Strofa 1]
Dimane? Ma vurría partí stasera
Luntano, no, nun ce resisto cchiù!
Dice che c'è rimasto sulo 'o mare
Che è 'o stesso 'e primma, chillu mare blu

[Ritornello 1]
Munasterio 'e Santa Chiara
Tengo 'o core scuro scuro
Ma pecché, pecché ogne sera
Penzo a Napule comm'era
Penzo a Napule comm'è?
Funtanella 'e Capemonte
Chistu core mme se schianta
Quanno sento 'e dì da 'a gente
Ca s'è fatto malamente
'Stu paese, ma pecché?
No, nun è overo
No, nun ce créro
E moro pe' 'sta smania 'e turnà a Napule
Ma ch'aggi' 'a fà?
Mme fa paura 'e ce turnà

[Strofa 2]
Paura? Sí, si fosse tutto overo?
Si 'a gente avesse ditto 'a verità?
Tutt' 'a ricchezza 'e Napule era 'o core
Dice ch'ha perzo pure chillu lla

[Ritornello 2]
Funtanella 'e Capemonte
Chistu core mme se schianta
Quanno sento 'e dí da 'a gente
Ca s'è fatto malamente
'Stu paese, ma pecché?
No, nun è overo
No, nun ce créro
E moro pe' 'sta smania 'e turnà a Napule
Ma ch'aggi' 'a fà?
Mme fa paura 'e ce turnà

[Outro]
Ma pecché, pecché ogne sera
Penzo a Napule comm'era
Penzo a Napule comm'è?