’A luciana

[Testo di "'A luciana"]

[Strofa 1]
Porta ancora 'o scialle ’e lusso
Porta ancora 'a pettenessa
'Sta luciana, quanno passa
Nun te fa cchiù raggiunà
Ê vvote ’a 'ncontro pe' Santa Lucia
E che maretta dint'ô core mio!
Si penzo d' 'a fermà
Si cerco 'e 'nce parlà
Chella me guarda stuorto e m’aggi’ 'a stà

[Ritornello 1]
A ’sta luciana
Ca passa e spassa
Scialle 'e lusso
Pettenessa
Pe' 'na semmana
M’ 'a faticasse
Po 'a fermasse
Lle dicesse:
"Io nun ve cerco niente
Ma dateme 'o permesso
Ve do' 'nu vaso 'ncopp'â pettenessa"

[Strofa 2]
M'hanno ditto: "'O pate è 'nzisto"
M'hanno ditto: "'O frate è tuosto
Tene 'o zio ca è capintesta
Ce sta poco 'a pazzià"
Ma io che ce pozzo fà? Chella me piace
Voglio pazzià cu 'o ffuoco e si mme cocio?
Me cocio e ch' 'aggi' 'a fà?
Ma s'hann' 'a rassignà
I' senza 'e chella nun posso campà

[Ritornello 2]
A 'sta luciana
Ca passa e spassa
Scialle 'e lusso
Pettenessa
Pe' 'na semmana
M' 'a faticasse
Po 'a fermasse
Lle dicesse:
"Io nun ve cerco niente
Ma dateme 'o permesso
Ve do' 'nu vaso 'ncopp'
Ve do' 'nu vaso 'ncopp'
Ve do' 'nu vaso 'ncopp'o scialle 'e lusso"