Wia im Zoo geaht's zua

Wia im Zoo geaht's zua Iatz muaß i enk v'rzehla, wås i lång scho komisch find:
Dia Menscha schmeißa sich im Zura Wörter an da Grindt -
Då moansch, du bisch im Zoo, weil då hearsch Viechernåma blos.
Ma saht: "Du Esl" und "Du Hirsch" und "Du Rhinozeros"!
Und håt då oaner gå koan Ånstånd und wird gånz gemein,
der saht - wenn er mål schimpft mit dir - "Du bisch a dummes ..."! Bei da Menscha, bei da Viecher geit's a Balzzeit, des isch klår!
Doch bei da meischta Menscha dauert sie des gånze Jåhr!
Jacky hoaßt er "gamsa" geaht er - er isch auf der Pirsch!
Und in seiner Disco, då isch er d'r Ober-Hirsch!
Steaht då wia a Giggeler, saht: "Hallo Maus, ich find dich heiß!"
Doch sie draht sich um und saht: "Fliag å då mit dem ...!" Ououo - Wia im Zoo geaht's zua!
Ououo - A so a Viecherei!
Ououo - Gråd so geaht's zua,
als war der Mensch no im Urwåld und ma heart da Tarzanschrei!
Ououo - Wia im Zoo geaht's zua!
Der Mensch, des isch a Viech, des merkt ma glei!
Das Kostüm so mancher Dame, du då bluatat mir das Herz,
weil d'r Kråuga, isch a Fuchspelz und d'r Måntl isch a Nerz!
Am Huat, då steckt a Feder, jå die Feder von am Pfau,
und die Tasche isch aus Leder - Krokodil, des siecht ma gnau!
Des Gsicht, des håt sie bunt - gråd wia a Pappagei åugmålt!
Und hintanoch, då hatscht der Esl, der das ålles zåhlt!