Ya Sukhano Ya
Sudhir Phadke, G D Madgulkar
या सुखांनो या या सुखांनो या या सुखांनो या
एकटी पथ चालले दोघांस आता हात द्या साथ द्या
या सुखांनो या
विरहांतीचा एकान्त व्हा अधीर व्हा आलिंगने
गालीओठी व्हा सुखांनो भाववेडी चुंबने
होउनी स्वर वेळूचे वार्यासवे दिनरात या गात या
या सुखांनो या
आमुच्या बागेत व्हा लडिवाळ तुम्ही पाखरे
शयनघरच्या या छताची व्हा रुपेरी झुंबरे
होऊ द्या घर नांदते
होऊ द्या घर नांदते तुम्हीच त्यांना घाट द्या थाट द्या
या सुखांनो या
अंगणी प्राजक्त व्हा सौधावरी व्हा चांदणे
जोडप्याचे गुज जुईचे चिमुकल्यांचे रांगणे
यौवनी सहजीवनी
यौवनी सहजीवनी दोन्ही मनांचे गीत व्हा प्रीत व्हा
या सुखांनो या या सुखांनो या या सुखांनो या