Tera Chehra
Tha socha ab likhunga nazam nahi
Mere dil ko ye lagta hazam nahi
Likhu kagazo pe man ki jab baatein, tab beet-ti hain ratein
Par rukti kalam nahi
Kalamo se likhe kalame kalam hain
Ye mere dil ko dete thora araam hain
Ratein roza aur mai rozedar
Mano neend jaise paani kyunki mujhko haram hai
Aayi barsat tu nahi hai sath
Hai sath mere, bas teri yaad
Khwabo me apane banau tasveerein
Muskurata-Karwate badalte saari rat
Aaja dikhau mere khwab khuli ankho se
Sunau man ki batein shabdo wali baton se
Tu mujhko na parakhna gayaki se meri
Agar parakhna to parakhna mujhko mere jazbato se
Soch sath hote to kya hi fir baat hoti
Har rat ghar mai aata tujhse mulaqat hoti
Fir mere seene pe tu rakh ke apne sar ko mujhse karti baatein rat bhar
Vo bhi kya rat hoti
Ki ankhein kholta aur dikhta tera chehra
Aur teri ankho me main doob jata gehra
Hatata zulf tere chehre se mai bar-bar
Aur vo wapas girti mano de rhi ho pehra
Tu aake ke kehti mujhko dheeme mere kano mein
Ki mera zikar krte ho kyun apne gano mein
Aur mai batata kitna khushnaseeb hun main
Jo pyaar hai mila vo milta hai nahi zamano mein.
Ke, tu banati coffee gunguna ke gaane
Aur chupke peeche ata main tujhe darane
Fir tu naraz hoke baith jaati ruth kr
Aur main tujhe manata baith ke tere sirhane
Ke, Baarisho ke dekhte nazare sath mein
Aur din guzarte leke kitabein hath mein
Aur khud ko dhundhte kitabo ki kahaniyon mein
Gawah hote, ye boonde barsat ke
Fir tooti neend, ankhein khuli, aya hosh mujhe
Labo pe tera naam par nahi de rha dosh tujhe
Yun to dikhata mai zamane ko koi farak nahi
Par dil hai mera yaad krta ye roz tujhe
Ye baarishein jo le kr aayi sang yaad teri
Ab inko hi suna rha main fariyad meri
Karu guzarish ab in badalo se
Jab ye jayein tere seher tujhpe bhi barsade yaadein meri
Ab aankhein kholu par na dekhu tera chehra
Aur teri yadon me main doob jaun gehra
Mitau yaadein teri zehen se mai bar-bar
De gayi kyun dil pe mere zakham itna gehra
Haan janata hun kuch na hoga mere cahne se
Par aaj bhi hai tera zikar mere gaane mein
Yun to haseen chehre kitne hi mile
na jaane aj bhi kyun tera chehra dhundhu main zamane mein